-->

اول يوم فى الجيش

اول يوم فى الجيش


اول يوم فى الجيش





"معاد الترحيل بكره والتجمع فى مركز تجنيد الجيزه"
كان خلاصه يوم طويل داخل مركز تجيد المنصوره (بسندوب) فغدا يوما اطول ,  يوم الترحيل من اصعب الايام كما عرفت عنه من بعض اصحابى ممن مرو بهذا اليوم .
واعطانا ظابط اجابات عن اسئله اهمها 
كيف تصل الى مركز تجنيد الجيزه او الهايكست ( لمن كان التحق بسلاح سيتم توزيعه من خلال الهايكستب ) ؟
ونصائح تتضمن البعد عن المخدرات والاحكام العسكريه وعقوباتها ,, وانتهت مشاوير المنصوره وفغدا يبدا الطريق الممل الى القاهره . يا مسهل

********
 بدات الرحله بعد صلاه الفجر عندما تسير على طريق انت اول من يمشى عليه تتنفس هواء الفجر البارد والظلام من حولك ,, جو منعش وجميل .. على راى يحيى الفخرانى ( انا جاى اهرج ) ل
تبدا رحله الطريق الممل , 3 ساعات من الملل حتى تصل الى الدائرى فتجد ميكروباص منتظر هؤلاء المستجدين المتجمعين من ارياف مصر من مختلف قراها وبعض مدنها , بعد مشوار ممل ايضا على الدائرى واسفله وداخل الجيزه ثم السير حوله مركز التجنبد حتى تصل الى بوابه تعبرها لتجد الكثير من شبابها من الجنوب والشمال منتظريين ..

*********
" كانتين الجيش المصرى "
تبيع ما تحتاجه داخل معسكر الترحيل  زى قفل او قلم او رباط جزمه اومعلقه (غالبا مش هتستخدمهم ) ويمتلىء بانواع من الطعاه لن تجده خارج كانتين الجيش انه بسكوت وشيبسى الجيش ومياه الجيش , منتجات لا يشتريها الا هؤلاء المستجدين , دائما ستجد لوحه مكتوب عليها " انك لست مرغما على شراء شىء " ولكنك عندما تدخل داخل مركز الترحيل  لن تطىء قدمك ارض الشارع مره اخرى حتى الترحيل, فلن تجد امامك سوى هذه المنتجات ويمكنك ان تفهم سريعا انك لن تخرج من مركز التجنبد الى معسكر التدريب الا بعض ان تنتهى هذه المنتجات , ذات الاسعار المضاعفه عن الاسعار فى الخارج , وصلت فى حوالى العاشره وبعض اصحابى وصلو فى الساعه السادسه (لانه استمعو ال الظابط فىالمنصوره يتحدث عن انه لابد من الوصول الى الجيزه فى موعد اقصاه السابعه والنصف ولكن من استفسرت منهم عن هذا اكدو لى انه كلام فاضى ودائما يقولوه ولكن غالبا ستترحل فى الثانيه ظهرا على احسن الاحوال ) ولكنها كانت اسوء الاحول , فقد تاخر موعد الترحيل فعدد الاتوبيسات قليل جدا فقد قام اولا بنقل بعض المستجدين الى معسكر داهشور ( وهتكلم عنه فى الاخر , وربنا ل يرزقه بيه احد) والاخرين مثلى من سلاح اجهزه القياده سينتظرون طويلا لان رحلتهم ستكون الى مركز مشاه 2 بالمعادى .. (الحمد لله بعدنا عن داهشور وقرفها ) استمر الملل والملل والملل فلا تجد تسليه الا ان تنظر الى الهرم من ناحيه الجنوب (الناحيه المقابله لشارع الهرم حيث سيكون الاهرام فاصله بينك (الحياه الميرى ) وبين شارع الهرم (الحياه الملكى)) من العاشره الى الخامسه وبدات الرحله الى ثكنات المعادى ..

*********
"اى حد معاه اكل يخلصه دلوقتى والموبيل يتسلم مفيش مكن حلاقه بمواس وغيرها كتير "
انه التفتيش لكل المستجدين داخل مركز مشاه 2 بالمعادى
وتبدا الكوسه ..
المستجدين يبداون فى تسليم الموبايل للامانات ولكن واحد لم يقوم او يتحرك وتجد جندى اساسى يبحث عنه (اعتقد ان اسمه حماده ) حتى يجده فياخذ الجندى من حماده (المستجد ) الموبايل حتى تتم عمليه التفتيش ثم يسلمه له بعدها , . وكانت اول عمليه كوسه داخل هذا المعسكر وكانت اول ليله داخل الجيش .
يجب ان تمر بمراحل كتير حتى تصبح جندى فبعد التفتيش يجب ان تتسلم المهمات ( ملابس واحذيه ) ,انها منتهى البساطه ولكن تصبح منتهى التعقيد عندما يصبح عدد المستجدين الف شخص وعندما يكون اسمك يبدا بحرف الواو  . ولانها اصبحت التاسعه ليلا وهؤلاء الشباب  معظمهم لم ينامو اليله السابقه للترحيل فقد تم تاجيل تسليم المهمات الى الغد ولم يبقى الا تناول الطعام داخل الميس (اسم المطعم داخل الجيش ) ,, ذهب طابور طويل وكانت اول وجبه داخل الجيش وكانت تشمل الغذاء والعشاء فوجدنا رغيف عيش وفول (للعشاء) ومكرونه وخضار (للغذاء ) , وعرفت بعدها ان معنى الفول المسوس والخضار الذى لا تعرف مما يتكون ,,
كرهت وقتها هذا التجنيد وتمنيت ان يعود الزمن ليس للخروج من التجنيد ولكن لاكون ظابط احتياطى على الاقل هلاقى معامله ادميه وطعام انسانى , وانتهى الطعام وذهبنا الى النوم , وكانت اول مره اجد هذه العنابر التى دائما ارها فى الافلام داخل السجون وهذه الاسره ذات الدورين وهذه البطاطين التى تمتلىئ بالتراب وهذا المخدات التى اصبح لون قطنها اسود (وادركت معنى النعيم الذى كنت اعيش فيه وتمنيت ان ارى امى امامى لاقول لها انا حمار واى اكل هتعمليه مش هعلق على الملح القليل ال بتحطيه ), وقبل النوم اتى بعض من سبقونا الى المركز بيوم او اكثر عسى ان يعثر احدهم على شخص يعرفه او من بلده ,,,,,,ونمنا

*********
فى الخلفيه صوت صفاره وبعض الاصوات ( مصدرها طابور طويل يتظر  الشخص فيه دوره لدخول الحمام ) وصوت ياتى من مسجد قريب .
سريعا اعدنا ترتيب السرير واخذ  اغراضنا لانه سيتم استكمال تسليمنا مهماتنا .
مسافه طويله داخل هذا المعسكر الكبير , انتظرنا  ساعه تقريبا حتى بدا تسليم المهمات (ملابس الميرى ) 30 صنف اغلبهم لن يكون مناسب لمقاسك وبعدها طابور اخر لاستلام البقيه من احذيه . وتم توزيعها على حسب المقاسات ولكن برده لن تجد حزاء يناسبك ابدا حتى لو طلبت نفس مقاسك  . 
هل تتذكر يوم سحل الفتاه وظربها بالكوتشى فى صدرها والبياده (كانت هذه الحادثه بدايه لحمله كاذبون ضد العسكر ) تعجب البعض وتحدثو عن تاثير الفوتوشوب وعن ان الجيش المصرى لا يفعل هذه الجرائم , وكثيرا ما تجد هؤلاء المغفلون او المواطنين الشرفاء  , فحينما يرى الفيديو جندود يلبسو بياده واخر يضرب الفتاه ولكنه يلبس كوتشى ابيض يعتقدون انه هذا هو تاثير الفوتوشوب الشيطانى , ولكنهم لا يعرفون شيئا عن هذا البرنامج الملعون ولا يعرفون شيئا عن احزيه الجيش ,
فهذا الكوتشى الابيض يتم تسليمه لكل الجنود بالاضافه الى البياده والجزمه النص (للخروج ) وشبشب للحمام ..
وغالبا يرتدى الجنود التى لم يجدو بياده على نفس مقاسهم بارتداء هذا الكوتشى , والحمد لله ان هذه الفتاه اصابتها ضربه من كوتشى وليس بياده وزنها 700 جرام

**********
الغداء الدائم  3انواع مكرونه مسلوقه وخضار لا تعرف مما يتكون الى جانب رغيف عيش  عندما تاكلهم تعرف قيمه الفول والطعميه فى الحياه الملكى قليلا يمتنعون عن هذا الطعام ويلجئون للكانتين ذو سعر مضاعف واخرون يرفضون حتى ان يتحدثو برداءه هذا الطعام حتى بين انفسهم  وانهى اليوم بطابور الهتاف وتنزيل العلم وبعدها فى السادسه او السابعه موعد العشاء رغيف عيش وفول ولكنه اصبح بعد ذلك عدس ومربى لن تتذكر الا اسمها (سينا ) حتى لا تشتريها يوما ابدا اذا خرجت من هذا الجيش ووقبل النوم يجب ان تتعلم كيفيه فرش السرير لان فى الجيش كل شىء مدروس من اول اللبسه الداخليه حتى طابور ضرب النار فلا مجال لاجتهادك , بعد معرفه الرصه الميرى للسرير والدولاب وتعرف الصول المسؤل عنك تكون مستعد بعدها للذهاب الى العنبر والنوم للاستيقاظ مبكرا لتكون فى الطابور واقفا من الساعه 5 :45 ..

*********
فيلم 1000 مبروك
اكيد شوفته , انا بقى فى الجيش بشوفه كل يوم , كل يوم هو نفس سابقه , لدرجه ان اول يوم فعلى كان يوم الثلاثاء مكنتش عارف انا فى انهى يوم فى الاسبوع , تبدا كل الايام القادمه من الاستيقاظ ف حوالى الخامسه
ويبدا طابور الحمام ثم طابور غشيل الوش ثم اذا وجدت وقت للصلاه تستطيع ان تصلى الفجر ,

الحياه داخل الجيش مرتبه حسب الرتب فاقل رتبه والتى سيكون كل تعاملك اليومى معهم هم الصولات ولكن عندما تعرف سريتك وفصيلتك سيختار هذا الصول 2 من بيننا واسمه حكمدار الفصيله سيكون مسؤلون عن معرفه من المتاخر ومن الغائب عن الطابور ويوقمون بعد الجنود تقدر تقول كده رئيس فصل ابتدائى , احيانا تجد احد هؤلاء الاشخاص يتقمص الدور فعليا وتجده ينفصل بشخصيته عن كونه واحد مستجد جاى معاك المعسكر الى شخص ذو رتبه يامر ويجب عليك تنفيذ الاوامر , فتجده قمه الملل ستصاحبك داخل فصيلتك ,
كان حظ فصيلتى ان واحد من هذان الحكمداران من نوع المحب لشخصيه الصول ويكاد يتقمصها بشكل كبير ولكن بدون تكلف كبير ومقبول الى حد ما والاخر دمه خفيف ,

المفروض ان يجمع الحكمدار الجنود ويتاكد من حضور الجميع وغالبا لم يكن يحدث ذلك وكغالبا ينال الفصيله فاصل من التهزيء وهذا الفاصل دائما ينالنا من عقيد الى صول فى اى وقت فراغ ,
بعد حصر الجنود يبدا اليوم بلم الزباله وتنتهى فى 6:45 ثم يجتمع كل الكتائب داخل ساحه الكبيره
, تجلس على الاسفلت فى انتظار تحيه العلم واخبار جريده القوات المسلحه التى تتكون من صفحه واحده وخبر واحد هوه " اكد السيد المشير " + كلام كذب ,
ممكن يجتمع بنا العقيد هشام وهوقائد مركز مشاه 2 بالمعادى
( وساتحدث عن هذا الرجل ) ,
ثم طابور اللياقه ,و هو اكتر حاجه مفيده فى الجيش , يبدا بالجرى 700 متر او كيلو ونص ثم تماريين رياضيه متعبه تستغرق ساعه ,
فى وقت قياسى 10 دقائق تكون رجعت الى العنبر لارتداء ملابسك المموهه (لزوم التدريب )والبياده والذهاب الى الميس للافطار , ودائما فول ومربى ( الذان تحب ان تكرههما ) ويبدا من العاشره حمام الشمس ويتخلله التدريب العسكرى (سلاح,  المشى العسكر (الخطوه المعتاده ) , معلومات عن الذخائر وغيرها ) وينتهى فى الثانيه ثم معاد الغداء ودائما مكرونه وخضار غريب الطعم والون والرائحه ثم راحه الى الرابعه ويبدا بعدها طابور الهتاف وفيه احتمال سماع كلمه من العقيد ودائما سماع صوت احد الصولات يزعق فى الماكرفون بسبب او بدون سبب ثم ينزل العلم وتعود جميع السرايا الى عنابرها فلا يتبقى الا السريه الثالثه من الكتيبه الاولى التى تتعرض لبعض النصح او التهزيء من احد الصولات ثم جمله " ال هيتعشى يجمع عند البوابه الساعه 6 " وينتهى اليوم الساعه 7 تقريبا وغالبا ستنام من الساعه الثامنه لشده التعب

*********
العقيد  ه ش ا م 
لن افتى ولكن وساقول عده مواقف تستطيع ان ترى شخصيته من خلالهم : الاولى 
غالبا فى معسكرات التدريب اسعار الكانتين بتبقى غاليه جدا ولكنى مسكرنا كان الصول ال ماسك المانتين تقريبا حرامى وبيقولو بنى عماره من فلوس الكانتين وكان بيستخدم المستجدين فى البيع وده بيحصل عن طريقتين 
يا ما يقف فى الكانتين ويبيع بالرغم من ان فيه 12 واحد بيشتغلو فىالكانتين ويقبضو منه 
او يسرح المستجدين بحاجه صاقعه او بسكوت او ميه داخل المعسكر وكل جندى هيبيع اربع صناديق من النوع ال معاه .

يعنى الشاب ال جاى يخدم بلده ممكن تكون وظيفته طول النهار انه يبيع بسكوت , العقيد هشام عرف الكلام ده وزعق له وطلب منه ان مفيش مستجدين يبيعو ( قال احدهم :العقيد ده بيثبتنا بالكلام يعنى هوه جاى يعرف النهارده ان ده بيحصل فى الجيش ) , بس ال حصل ان المستجدين بطللو يقفو فى الكانتين ولكن لسه بيبعو عبوات وهما ماشيين 
( سريحه يعنى ) 

حاجه تاينه : الفاظه ال بيستخدمها مع مجندين وانا مش هقول الموقف بس هقول الالفاظ وهى زى 
ابن المره وابن الشرموطه وزب الارض والخول وهيتعولق وغالبا الالفاظ دى كان بيقابلها ضحك من المستجدين على هذا الجندى زو الحظ الشؤم الى بتصيبه , بس مفيش ولا مره حصل ان الجندى ال اتشتم رد عليه وطلب منه يكلمه باحترام . 
هل دى الفاظ واحد قائد لمركز تدريب , هل المفروض فى الجيش تتشتم بالطريقه دى ؟ 
فيه بقى شتيمه تانيه بس كان بيقولها الصولات او الرتب الاقل وبيقولو عيلها شتايم بالميرى وهيه لا تمس ابوك او امك زى يا مهزىء او يا قليل الادب ويوم ما يعلى قوى يقولك يا سافل . 
ربنا وقعنا فى 2 صولات الى حد ما كويسين 

التالته : قبل الترحيل طلب من المستجدين بان كل من ليس معه فلوس للمواصلات بعد ما ينزل من القطر  يخرج بره ( يقدم الجيش تذاكر القكر لكل من يسكن خارج القاهره ) وخرجت مجموعه كبيره اغلبهم من الصعيد فقدم لهم فلوس (لا اعرف كام بالظبط ) ولكنها ستستقطع من مرتبهم عندما يحصلو عليه

*********
فى يوم التدريب على استخدام البندقيه المورس وهى اخر سلاح تدربنا عليه (ولكن المفروض ان نتدرب بعدها على البنقيه الالى 7.26 *39 ) زارنا لواء اركان حرب 
سالنا عن شكاوى من المعسكر وعن الطعام وحصل تغير نوعى فى الطعام هذا اليوم فبدلا من المكرونه راينا اخيرا الارز بالرغم من انى لم ااكله لانه كان مسوس برده . 
واشتكى له احد الجنود من انه ممكن تغير طريقه الجيش النمطيه هذه الى طريقه افضل واحسن فاعطاه رتبه عريف ( بشريطين )واعتقد ان هذه الزياره كانت نتيجه ما حدث فى معسكر داهشور
تجدوه  فى تدوينه هنا عن ما وصلنى من اخباره وكانت نتيجه فى نزولنا قبل موعدنا باسبوع كامل بالاضافه الى ما حدث فى بورسعيد 

*********
عندما زارنا مندوب وزاره الدفاع 
وطلب منا بعض خريجى حاسبات او حاصل على بكالريوس لغه عربيه او انجليزيه وخرجت مجموعه ليست بالقيله ولكن تم تصفيتها الى عدد اقل 
وكانت من اسوء ما رايت داخل الجيش مخالفا لقانون منع التمييز 
فطلب خروج اى جندى له قريب من الدرجه الخامسه قد اتهم فى قضيه سياسيه او ملتحى (بالرغم من ان اغلبيه مجلس الشعب مما يديرون مصر ملتحيين ) او له قريب متهم فى قضيه جنائيه ( ولا عرف ما ذنبى اذا كان احد اقاربى اتهم فىقضيه ما ) 
بالاضافه الى ذلك تم خروج من يدين بديانه غير الاسلام . وعند سؤاله هل تعرف ان خروج المسيحين يخالف القانون , فقال لى ان وزاره الدفاع ليس بها فرد مسيحى ( انا استغربت جدا هل هذا الذى يقوله صحيح ام انه لا يعرف شىء ) وقال لى عندما تحضر الينا ستعرف لماذا ؟ 
اختار المندوب 20 جندى وملىء بيناتهم لتبحث فيها المخابرات الحربيه وتنتقى منهم افضل 12 ليلتحقو بالعمل داخل الامانه العامه فى وزاره الدفاع (بجوار المشير ) , وتحدث عن انها من افضل الاماكن داخل الجش فى الاجازات والامتيازات . يا ترى حظى هيعمل معايا ايه . الله اعلم ؟ 

**********
المتابعات : او بمعنى اصح هى اختصار لكلمه الوسايط فى الجيش
,فداخل معسكرنا يحتوى على 7 او 8 نقباء يلجىء لهم اصاحبهم للتوصيه على بعض اقاربهم فيمنحو الجلوس فى المكاتب مع هواتفهم ونحن نظل جالسون تحت حر الشمس او تحت مطر الشتاء وصل عدد المتابعات داخل كتابيتنا اكثر من 100 مستجد وحتى العقيد بيقولو ان عدد المتابعه بتوعه 107 مستجد . هذه هى الوسايط داخل الجيش , 
وبسبب وسطه احد المتابعات غضب احد الصولات (احمد ) لتاخر هذا المستجد واحمر وجهه وبصوت عالى قرر ان يحبس هذا المستجد (الذى دائما يطنشه ولايعطى له اهتمام ) وهو فى الطريق الى السجن راه النقيب (صاحب اخوه ) وباشاره ايد بدون كلام رجع الى الصفوف وسكت الصول بدون اى كلام , 
لو كان هذا المستجد من الذين ليس لهم واسطه فىالجيش سيكون مسيره واحد من اتنين , يا ما مسجون فى سجن2 متر* 2 متر او فى الميس يغسل سرافيس 3000 متسجد بعد كل وجبه 
وعلى راى المثل ال ليه ظهر ميضربشى على بطنه

***********
وبعد كل هذا القرف سيكون مرتبنا 165 جنيه +100 جنيه مكافأه من  المشير ( او رشوه ) عشان منقلشى الجيش وحش وفيه ناس بتبقض ملاليم وناس بتسرق ملايين  , والله الموفق والمستعان,
الله ...الوطن

**********
**********

هذا ما رايته فى فتره 11 يوم داخل معسكر التدريب وقد سردته من وجه نظرى لا اكثر 



just in Time
للرجوع الي المدونه اكتب في جوجل اهلا وسهلا بك في just in time  حيث ستجد احدث البرامج ,والمواضيع الحصريه بضغطة زر بدون عناء التحميل من الروابط خارجيه كذالك يمكنك طلب البرامج التي تحتجها وسوف تجدها في اسرع وقت ,كذالك اترك اي مشكله تواجهك وسوف تجد الحل في اسرع وقت ان شاء الله ،اكتب ماتحتاجه عبر الربط التالي
من هنا just in time
لاتنسي عمل لايك لصفحتنا علي الفيس بوك لتجد كل ماهو جديد وحصري
>
  1. على فكرة انا كنت فى نفس مركز التدريب بتاعك فى من كلامك ماهوه صح وفى بعض الاخطاء مثلا بنظافه الميس والاكل وعنابرالنوم والحمامات بها سخانات مياه مقارنه بمراكز التدريب الاخرى اخى انت فى الجيش بنتعلم ازاى نكون فى اعلى درجة من ضبط النفس لو حد شتمنا ونتعلم الصبر ومشقه الحياة العسكريه لابدانها تكون هكذا اخى انت فى الجيش مش فى سفريه مرح او سفريه استجمام الجيش رجوله

    ردحذف
  2. اولا مفيش حاجة اسمها انت في جيش تتشتم عشان تتعلم الانضباط يعنى لما واحد يقولك يابن العرص تسكتله ده كده بيكسر نفسك ويهينك وفى بلاوى منيله وظلم وفساد انت مشتفهوش في الجيش انا حضرته وانا ظابط

    ردحذف
  3. مكانه فين بالظبط مركز مشاه 2 المعادى

    ردحذف
  4. الي بيقول نتشتم علشان نتعلم الصبر ونتعلم الحياه العسكريه.انت كدا بتتعامل كاسير وقوانين الجيش مش بتقول كدا .المفروض ارفع من كرامه البني ادم الي قدامي علشان لقدر الله لو بقا اسير يبقي يموت اكرمله من انه يتحمل مهانه وذل بني ادم قدامه .الشتايم بتحط من كرامه البني ادم ولو بقا اسير هيفضل مذلول.لو قرات التاريخ فيه اسري قتلوا الجنود وماتوا بس ماتوا واخدوا معاهم ارواح تانيه.فيه ناس كتير مش بتنفء قوانين الجيش ووزاره الدفاع بعدم الشتم والسب والاهانه

    ردحذف
  5. مراكز التدريب كلها اهانه وربنا مش بسيب حق حد

    ردحذف
  6. اول يوم فى الجيش >>>>> Download Now

    >>>>> Download Full

    اول يوم فى الجيش >>>>> Download LINK

    >>>>> Download Now

    اول يوم فى الجيش >>>>> Download Full

    >>>>> Download LINK 8A

    ردحذف
  7. اول يوم فى الجيش >>>>> Download Now

    >>>>> Download Full

    اول يوم فى الجيش >>>>> Download LINK

    >>>>> Download Now

    اول يوم فى الجيش >>>>> Download Full

    >>>>> Download LINK j2

    ردحذف